Регионални насоки за делување

Локалниот совет ги носи своите одлуки врз основа на регионалните насоки за делување, кои служат како референца и инструмент за делување на локалните канцеларии и советите на Швајцарската културна програма во Албанија, Босна и Херцеговина, Косово, Македонија и Србија. Регионалните насоки за делување го заменуваат претходниот стратешки документ Country Concept. Овие насоки се донесени како резултат на спроведената ревизија на програмата Мали акции во сите земји во кои делува Швајцарската програма за култура, следење на културниот контекст од страна на локалните совети и одржаниот регионален состанок со претставници од сите локални канцеларии и совети на програмата, како и преставници од Швајцарската агенција за развој и соработка и Про Хелветиа. Регионалниот состанок во 2006 година во Синаја (Романија).

 

 

Регионални програмски приоритети

Регионалните програмски приоритети се однесуваат на сите земји во програмата и служат како општа тематска рамка за идентификување на Кооперативните проекти, Малите акции и Регионалните мали акции, како и иницијативите на програмата.

Еден проект е подобен за разгледување за поддршка доколку исполнува најмалку еден од регионалните приоритети:

• Да ги гради професионалните капацитети на творците или културните организации, особено младите творци;
• Да ја развива културната дебата во општеството;
• Да поддржува иновативна културна креација; или
• Да овозможува еднакви можности и преку културната различност да ги поддржува човековите права.

Проектот е подобен доколку дополнително го исполнува националниот приоритет:

• Поддршка на споделување на културните разлики преку премостување на јазот помеѓу различните заедници.

 

 

Критериуми за селекција на Мали акции

Следниве критериуми се однесуваат на програмата Мали акции. За апликацијата да продолжи во фазата на селекција, проектот мора прво да биде подобен со тоа што исполнува барем еден регионален приоритет. Ако дополнително го исполнува и националниот приоритет тоа се смета како дополнителна предност. Во фазата на селекција сите апликации ќе се разгледуваат во однос на критериумите и најдобрите ќе бидат одбрани за поддршка.

а) Програмски критериуми

Поддршка нема да добијат проекти кои:

• Се повторни апликации за проект кој веќе претходно бил одбиен, како и апликации за поддршка над 20000 швајцарски франци;
• Се поднесени од политички партии, религиозни или милитантни организации и синдикати;
• Се однесуваат на трошоци за тековно работење на јавни институции или државни служби;
• Се однесувааат на долгорочно образование или стипендии, здравство или спорт;
• Се наменети или се реализираат од деца (исклучок е доколку децата се само еден сегмент од проектот и тоа не главниот/носечкиот);
• Се однесуваат на инфраструктурни трошоци, градежни работи или културно наследство;
• Имаат дискриминаторска или антидемократска содржина;
• Се исклучиво комерцијални активности.

Дополнително предлог проектот треба да ги исполнува следните услови:

• Да е релевантен на најмалку една од приоритетните области;
• Да цели кон јавна публика;
• Да се одвива во Македонија или да биде реализиран од граѓани на Македонија;
• Да има обезбедено дел од условите и финансиските средствата од сопствени извори или од други спонзорства (било монетарен или во натура);
• Да ги почитува финансиските, управните и законските норми;
• Да ги прифаќа условите за поддршка на Швајцарската програма за култура. Еден ист проект (како фестивал) не може да биде поддржан повеќе од два пати по ред.

Дополнително Регионалите мали акции мораат:

• Да имаат учесници од најмалку 3 земји од програмата (вклучително и Црна Гора, која може да учествува но не и да биде домаќин);
• Да биде развиен од партнери (организации/индивидуалци) од најмалку 3 земји од програмата;
• Да придонесува кон размена и промоција на модели на успешно делување;
• Да има влијание на регионално ниво.

б) Критериуми за селекција на Мали акции

Само предлог проекти кои ги исполнуваат горенаведените програмски критериуми ќе бидат презентирани пред локалниот совет за одлука за нивна поддршка. Во оваа фаза апликациите ќе бидат рангирани според следниве критериуми:

1. Уметнички квалитет: Кој за целите на оценувањето ќе биде разгледуван во однос на следниве елементи: (а) техника (б) оргиналност (в) стремеж (г) одек и (д) магија.
2. Иновација: Проектите треба да демонстрираат иновација во идејата или во постапката, иако иновацијата во многу зависи и од контекстот.
3. Развој/придонес на/кон заедницата: Проектите би требало да демонстрираат јасни и остварливи придобивки за заедницата. Апликантите треба да бидат свесни за тоа што сакаат да го постигнат покрај нивните творечки цели и да имаат јасен план како тоа да го остварат.
4. Партнерство: Проектите треба да се отворени и да поттикнуваат соработка со други, во или вон културниот сектор.
5. Ризик: Проценка на ризикот - во однос на професионализмот на апликантот, претходно искуство, можности за обезбедување дополнителни средства, можни закани/пречки за реализирање на преоктот - ќе биде земен во предвид при разгледувањето.
6. Вредност (за парите): На крај, секој предлог проект ќе се оценува во однос на предвидените резултати и предвидените трошоци.